Në vitin 2015 DPA behet anëtare me të drejta të plota në Organizatën Evropiane të Akreditimit (EA). Në muajin nëntor të vitit 2015, DPA bëhet nënshkruese e EA-MLA (Marreveshjeve të njohjes reciproke), në fushën e laboratorëve testues në përputhje me standardin ISO/IEC 17025. Në muajin maj të vitit 2016, DPA pranohet anëtare me të drejta të plota në ILAC (Organizatën Ndërkombëtare të Akreditimit të Laboratorëve) për fushën e laboratorëve testues dhe nënshkruan Marrëveshjen e Njohjes Reciproke me ILAC (ILAC-MRA) në fushën e testimit.

• Ne vitin 2018 DPA nënshkruan EA-MLA në fushën e Inspektimit në përputhje me ISO / IEC 17020 dhe Certifikimit të Sistemeve të Menaxhimit në përputhje me ISO / IEC 17021-1 si dhe duke mbetur një nënshkrues i EA-MLA-se në fushën e Testimit. Gjithashtu më datë 31 Tetor 2018 u firmos në Singapor Marrëveshja Multiraterale me Organizatën Ndërkombëtare të IAF (International Accreditation Forum) dhe ILAC (International Laboratory Accredtitation Cooperation) sipas të cilës DPA pranohet anëtare e këtyre organizmave për Certifikimin e Sistemeve të Menaxhimit.

• 21 Prill 2020 DPA firmos EA MLA (marrëveshjen e njohjes reciproke) në fushën e certifikimit të personave sipas standardit 17024 dhe kalon në mënyrë të suksesshme tranizicionin e standardit ISO/IEC 17011:2017.

Nënshkrimi i këtyre marrëveshjeve me EA MLA nga DPA në fushat e Testimit (EN ISO/IEC 17025), Inspektimit (EN ISO/IEC 17020), Çertifikimit të Sistemeve të Menaxhimit (EN ISO/IEC 17021-1), Çertifikimit të Personave (EN ISO/IEC 17024) ka sjellë si rrjedhojë që te gjithë çertifikatat e lëshuara nga laboratorët e akredituar nga DPA, çertifikatat e sistemeve të menaxhimit, çertifikimit të përsonave dhe inspektimit të lëshuara nga organet çertifikuese dhe inspektuese të akredituar nga DPA, do të jenë ekuivalente dhe të pranuara në nivel Evropian duke sjellë përfitime serioze dhe të matshme për biznesin vendas duke siguruar gjithashtu përfitime për ekonominë e vendit. Nënshkrimi i këtyre marrëveshjeve përbën jo vetëm një arritje shumë të madhe për DPA-në, por mundëson që një organ i vlerësimit të konformitetit nuk do të akreditohet më shumë se një herë për të njëjtën fushë akreditimi, duke mundësuar lëvizjen e lirë të produkteve dhe shërbimeve në tregjet e huaja pa iu nënshtruar ri-testimit ose ri-certifikimit në vendin hyrës, duke e bërë kështu akreditimin që të shërbejë si një pashaportë e vlefshme në të gjitha tregjet ndërkombëtare.

Nënshkrimi i këtyre Marreveshjeve, ndihmon ekonominë vendase, që nëpërmjet tyre të plotësohen përgjegjësitë ligjore dhe rregullatore, për reduktimin e barrjerave teknike në tregti, siguron mbrojtjen e konsumatorëve dhe rritjen e besueshmërisë për mallrat dhe shërbimet që hidhen në treg. Nënshkrimi i marëveshjeve të tilla, çon në rritjen e reputacionit të bizneseve vendase në tregun ndërkombëtar, eleminimin e barrierave teknike në tregti, qarkullimin e lirë të mallrave dhe lejon një konkurrencë të ndershme.

Në këtë mënyrë, qëllimi i tregtisë së lirë i “akredituar një herë, i pranuar kudo” bëhet një realitet më i afert dhe për vendin tonë.

Kjo arritje e DPA, dëshmon më së miri që DPA është një aktor shumë i rëndësishëm në treg dhe luan një rol thelbësor për përmirësimin e klimës së biznesit vendas. Akreditimi në të njëjtën kohë është edhe një instrument shumë i rëndësishem i qeverisë shqiptare, i cili ndihmon që shërbimet publike të jenë të besueshme dhe të një cilësie shumë të lartë duke reduktuar burokracinë dhe duke nxitur zbatimin e ligjit.