Marrëveshja e Njohjes Reciproke me EA është një marrëveshje e firmosur ndërmjet Organizmave Akreditues anëtar të EA me qëllim njohjen dhe pranimin e ekuivalencës së sistemeve të tyre të akreditimit. Ato japin besueshmëri ekuivalente të çertifikatave dhe raporteve të lëshuara nga organet të cilat janë akredituar nga Organizmat Kombëtare të Akreditimit, anëtarë të EA-MLA.

Kjo eleminon nevojën për shërbime të akredituara të testimit/çertifikimit/inspektimit në cdo vend të Evropës ku furnizuesit e produkteve dhe shërbimeve do të shesin produktet dhe shërbimet e tyre.

Organizmat Kombëtare të Akreditimit marrin statusin anëtar firmosës i Marrëveshjeve të Njohjes Reciproke me EA vetëm pas një vlerësimi të ndërsjelltë shumë rigoroz të funksionimit të tyre në përputhje me standardin e njohur ndërkombëtarisht për organizmat akreditues ISO/IEC 17011 dhe me kërkesat specifike të Regullores Evropiane 765/2008. Vlerësimet e ndërsjellta kryhen mbi një bazë të rregullt nga persona të specializuar nga Organizmat Kombëtar të Akreditimit të vendeve të tjera. Procesi mbikëqyret nga përfaqësuesit e Komisionit Evropian, autoritetet kombëtare dhe mbështetësit e tjerë në fushën e biznesit.

Marrëveshja e Njohjes Reciproke me EA njihet në nivel ndërkombëtar nga Forumi Ndërkombëtar I Akreditimit  (IAF) dhe Organizmi Ndërkombëtar i Akreditimit të Laboratorëve (ILAC). Kjo nënkupton që anëtarët firmosës të EA-MLA përfitojnë njohje botërore nëpërmjet Marrëveshjeve të Njohjes Reciproke me ILAC dhe IAF dhe si rrjedhojë e tyre përdorimin e markave ILAC/IAF MLA.

Drejtoria e Pergjithshme e Akreditimit u pranua ne Maj te vitit 2015 anetare me te drejta te plota ne Organizaten Evropiane te Akreditimit (EA). Ne Nentor te vitit 2015, DPA u be nënshkruese e EA-MLA (Marreveshjeve te Njohjes Reciproke), në fushën e laboratorëve testues. Në maj të vitit 2016, DPA u pranua anëtare me të drejta të plota në ILAC (Organizatën Ndërkombëtare të Akreditimit të Laboratorëve) për fushën e laboratorëve testues dhe ka nënshkruar Marrëveshjen e Njohjes Reciproke me ILAC (ILAC-MRA) në fushën e testimit.

Kjo do të thotë që raportet e testimit të lëshuara nga laboratoret e akredituar nga DPA janë ekuivalente dhe të pranuara në nivel Evropian dhe Ndërkombëtar.

Gjithashtu DPA gëzon statusin e anëtarit me të drejta të plota në Forumin Ndërkombëtar të Akreditimit (IAF).

Theksojmë se Drejtoria e Përgjithshme e Akreditimit gjatë vitit 2018 u bë nënshkruese e EA-MLA në fushën e Inspektimit dhe Çertifikimit të Sistemeve të Menaxhimit si dhe duke mbetur një nënshkrues i EA-MLA-se në fushën e Testimit. Gjatë takimit të mbajtur më 25-26 Prill-2018, në Beograd, Këshilli i MLA(Multilateral Recognition Arrangement) mori në konsideratë rezultatin e rivlerësimit të DPA-së. Bazuar në raportin e vlerësimit dhe në raportin shtesë të ofruar nga TFG (Task Force Group) e krijuar për të shqyrtuar raportin e vlerësimit, anëtarët  e këshillit konfirmuan se DPA përputhet plotësisht me kërkesat EA-së dhe se është fituar besimi i mjaftueshëm në lidhje me performancën operacionale dhe teknike të aktiviteteve të akreditimit të mbuluara nën EA-MLA.  Këshilli konfirmoi se DPA-ja mbetet një nënshkrues i EA-MLA në fushën e testimit dhe bëhet anëtare nënshkruese i EA MLA në fushat e çertifikimit të sistemit të menaxhimit në përputhje me ISO / IEC 17021-1 dhe inspektimin në përputhje me ISO / IEC 17020.

Si rrjedhim gjithë certifikatat e lëshuara nga laboratorë të akredituar nga DPA, certifikatat e sistemeve të menaxhimit dhe inspektimit të lëshuara nga organet çertifikuese dhe inspektuese të akredituar nga DPA, do të jenë ekuivalente dhe të pranuara në nivel Evropian. Njohja Ndërkombëtare e shërbimeve të ofruara nga Organet e Vlerësimit të Konformitetit të akredituar, u mundëson kompanive të zgjerojnë më lehtë biznesin e tyre në tregjet e huaja, pa i paraqitur produktet dhe shërbimet e tyre për kontrolle shtesë në vendet e hyrjes. Me fitimin e statusit nga ana Drejtorisë së Përgjithshme të Akreditimit si anëtare nënshkruese e EA- MLA, në fushën e testimit sipas standardit ISO/IEC 17025, në fushën e certifikimit të sistemit të menaxhimit sipas standardit ISO/IEC17021-1 dhe në fushën e inspektimit sipas standardit ISO/IEC 17020, u arrit të mundësohej lëvizja e lirë e produkteve dhe shërbimeve në tregjet e huaja. Nënshkrimi i këtyre marrëveshjeve, përbën jo vetëm një arritje shumë të madhe për Drejtorinë e Përgjithshme të Akreditimit, por mundëson që një Organ i Vlerësimit të Konformitetit  nuk do të akreditohet më shumë se një herë për të njëjtën fushë akreditimi, duke mundësuar lëvizjen e lirë të produkteve dhe shërbimeve në tregjet e huaja pa iu nënshtruar  ri-testimit ose ri-certifikimit  në vendin hyrës, duke e bërë kështu akreditimin që të shërbejë si një pashaportë e vlefshme në të gjitha tregjet ndërkombëtare. Gjithashtu theksojmë se nënshkrimi i këtyre marrëveshjeve nga ana e Drejtorisë së Përgjithshme të Akreditimit, përbën një lajm të mirë jo vetëm për biznesin i cili nuk do t’i nënshtrohet  kostove të ritestimit për produktet që do të eksportojnë duke sjellë përfitime serioze dhe të matshme, por edhe për sistemin ekonomik i cili do të përmirësohet si rezultat i rritjes së numrit të eksporteve.

Nënshkrimi i tre marrëveshjeve të njohjes reciproke në vitin 2018, ka realizuar njohjen evropiane dhe ndërkombëtare të raporteve të testimit, çertifikimin e sistemeve të menaxhimit dhe raporteve të inspektimit të lëshuara nga organet e akredituara nga DPA. Me konkretisht gjatë ketij viti jane nenshkruar:

• Prill 2018 – Komiteti Teknik përkatës mori vendimin e zgjerimit të EA-MLA në fushën e inspektimit dhe të certifikimit të sistemeve të menaxhimit 
• 16 Korrik 2018, DPA është bërë anëtare me drejta të plota të Marrëveshjes së Njohjes reciproke me Organizmin Ndërkombëtar të Akreditimit të Laboratorëve (ILAC) edhe në fushën e inspektimit pas asaj të testimit të firmosur në 2016
• Në Korrik 2018, DPA aplikoi për tu bërë anëtare firmosëse e Marrëveshjeve të Njohjes Reciproke me IAF në fushën e çertifikimit të sistemeve të menaxhimit. Pas kryerjes së të gjitha proçeseve të vlerësimit, në Tetor 2018, DPA firmosi anëtaresimin e Marrëveshjes së njohjes reciproke me Forumin Ndërkombëtar të Akreditimit (IAF) në fushën e çertifikimit të sistemeve të menaxhimit